開心七件事 30 Sept

1) 受牙週病纏擾, 我已再沒有耐性跟它斯磨, 引刀一快; 跟它告別! 我一進門口便扮乖叫醫生:

醫生: 终於來剝牙啦, 4個月前應該剝架啦!

我: 係囉, 所以返黎聽吓你點講囉!

醫生: 智慧齒同大牙的牙袋有7mm, 好容易藏污糟嘢, 牙刷最多只刷到4mm的位置, 所以今次救番下次又會再發炎, 如果你問我我就叫你唔好救囉!

我: 吓? 一次剝兩隻呀?

醫生: 都係打一枝麻醉針啫!

我: ......

牙醫是一個快樂型的人, 好輕鬆, 好有自信好專業! 他令剝牙變得好簡單, 令病人的痛苦減到最低。

我覺得這種性格好正, 我都想好似佢咁, 又或者我將來的伴侶好似佢咁!


2) 我: 吓? 咁快剝完啦?

醫生: 有幾難呀? 中國人啲牙唔似得中東人咁難剝, 剝中東人啲牙就出力好多!
我: 會唔會好痛? 明天會唔會臉腫?
醫生: 唔會痛喎! 唔駛咁驚喎.
事實真喺唔痛, 塊面亦無變包包面. 而且, 價錢極度吸引!

3) 始料不及的驚世大發現, 原來剝咗兩隻牙, 個心好失落, 今早好down. 怎料你就來電, 說在整存醫學的觀念裏, 身體的某個部份離開了, 在心靈上是會產生失落感的. 幸好你告訴我這情況很快便會消失, 我才安心下來, 謝谢. 生日快樂, 給你一個抱抱!

4) 事實上直至今日7:00pm為止, 我的情緒都極度負面: 昨夜失眠, 財困, 未有新工作, 掛念原好無缺的兩隻牙, 媽媽鬧情緒, 阿爸批評我剝牙, 家姐"誠意邀請"我返教會, xyz......6:00pm, 約了氣功同學仔,為她做花藥諮詢,怎知傾傾吓又嘗試用ｌｉｆｅ　ｃｏａｃｈｉｎｇ非理性信念轉化方法引導她重新認識自已的問題。最後她抽花藥但卻完全不對題, 即是說她目前並不需要花藥呀! 她终於明白自己一向用非理性信念來面對同老公的關係. 她離開時神情頗為愉快, 因為她終於看到老公的優點了,仲要係8 (優點) 比2 (缺點)大勝! 連我自己的心情都好轉埋, 好high!!! 除了衷心祝福她之外, 好多謝她幫咗我! 终於親身體會到幫人會咁快樂!



5) 明天約了一位好友見面, 雖然各有各忙不常見, 但我怱然想, 如果自己有乜事, 他會是我致电的5個人中其中一個, 所以我會很珍惜身邊的人!


6) Chi Papa 今天送了一份愛心大禮給我, 親愛的 Chi Papa, I love you!!!


7) 细哥哥致電邀請我明天吃自助餐:

我: coupon不是用光了嗎?

哥: 冇coupon都可以去架!

You are so nice, I love you too!