開心七件事 16 Oct

1) 上週日天氣驟變, 下午開始下雨, 心情跌落谷底. 去超市散心, 回家後告訴爸爸已幫他買了艾條, 他很高興, 我們由此話題一直說到健康, chichi的爸信咗上帝成個人變好咗, 各種食物哪樣好食啲......在對話中, 空氣中滲着一點暖. 之後我在房中靜靜地坐着, 站起來看看鏡中的自己, 再次確認我已重新得到力量, 重新相信自己，可以重新上路.

2) 因為原諒, 所以能愛；因為能愛, 所以被愛. 感謝 H 的提示: "趁父母有生之年去表達自己對他們的愛, 否則遺憾终身." 一個抱抱, 一句閒話家常, 一句儍話, 不要說不懂, 不要說多餘, 老人家就是需要這些啊！不要說愛在心裏, 我們自己尚且不知道自己的心, 又怎能要求別人知道我們的心? 不過 H 您沒有告訴我, 原來愛與被愛可以令自己的能量提升喎? 微笑

3) 所以生命的奇妙在於, 你以為谷底好唔惦, 其實下一秒便反彈；你以為在高處已掌握一切, 其實下一刻便滑落無底深淵; 我慶幸自己在這個年纪, 已經歷過 (或經歷中)以上的 cycle, 下一次, 我不會再被震散, 我會懂得處理。所以Chi papa你以為我近排唔開心, 都令我幾 surprised, 呢期我 mentally狀態幾OK喎, 哭是因為胸椎的阻塞要被清除出來咋! 雖然呢啲 physical & mental 的好轉反應好難令人明白, 但我都好 feel 到你嘅關心, 謝謝你!

4) Facebook 上某君說 : 一切內心的問題/ 情結, 最终都是要歸向原生家庭才可以解決，此言不虛。

5) 草藥師黄生說, 大家姐, 我和 chichi的狀況也有70-80分, 很不錯呀!

6) 經過一輪內心的轉化後, 我發現自己開始無咁介意別人點睇我: 前日C.C.用凌厲的眼神問我下午做乜唔練功; 我咪話约咗人囉! 昨日after class佢就同大家講, 唔好消耗咁多精力, 跟住轉頭望向我問, 係咪練功唔夠氣成日瞓着丫? 跟住我就扮聽唔清楚佢問乜囉! 唯唯諾諾求其答佢囉! 以前我會内心好想反抗爭辯但又怕衝突, 理性同感情成日打仗, 筋疲力竭；而家我反而覺得佢點諗唔關我事喎! 我知道自己做緊乜就得啦! 吓吓要care人地點諗我, 咁我會好唔得閒囉!

7) 原來思慮過度好傷身, 與其翻來覆去諗自己啱唔啱做 job A, 慣唔慣做 job B, apply 咗先算啦! 盡人事而後安天命呀! 諗嘢簡單啲, 真係人都靚啲!

p.s. 從末留言/ 想留言又怕麻煩的好友們, 多多留言呀! 我不想只對着空氣說話啊