開心七件事 8 Sept

1) 有一篇散文說, 一個住在意大利民宿的香港女孩, 謝謝那屋子的媽媽特意為她弄奶茶以解思鄉之情 (但其實意大利人從不喝奶茶的). 女孩謝謝意大利媽媽, 意大利媽媽便說: "意大利媽媽照顧家人是一件很光榮和快樂的事, 所以不用說謝谢呀!"

2) 所以今天我又對媽媽說了每天一傻話:
媽媽: 幫我倒垃圾好嗎?
我說: 好呀.
媽媽: 唔該.
我說: 忘了嗎? 意大利媽媽不用說唔該啊!

3) 原來每天快樂7件事, 就是要我們每天播下快樂的種籽, 不過這些種籽很神奇, 即種即收成, 仲係以double, triple, xxxple速度上升, 點解咁正嘅嘢以前無人提過呢??

4) 在等時正想着開心的事, 門一打開, 阿大叔以為我對住佢笑, 佢好本能反射地以0.1秒的速度回報相同的微笑!!! 正!

5) 以前我唔食得凍嘢, 食完會頭痛. 今日我忽然好想食M記Oreo麥旋風, 吃時我就想, 這杯雪糕很好, 我吃了它之後也會很好. 果然, 吃完後我不單止唔凍唔頭痛仲面色红潤!

6) 中午同媽媽上茶樓, 阿部長忙到想暈, 但他一路說想暈, 一路笑晒咁做嘢, 他的起勁一定感染了他的同事, 令其他人同佢一樣可以咁enjoy工作, 很棒呀部長!!!

7) 不遲不早, 9月7日之後果然脫胎換骨!